Æfingar

Engin æfing á morgun mánudaginn 28. desember.
Æfing á þriðjudag og miðvikudag kl. 13:00-14:30

Á morgun mánudaginn 28. desember fer fram firmakeppni í Valsheimilinu. Þeir ykkar sem geta mætt og aðstoðað við dómgæslu og ritaraborð endilega mætið. Mótið stendur frá 17:00-20:00 svo þetta tekur ekki langan tíma.

21-22 des

Æfingaleikur á morgun (mánud) við Fjölni kl. 13:00. Takið búninginn með ykkur.
Æfing á þriðjudag kl. 13:00-15:00

Fim-fös

Æfing fimmtudag (16.des) verður samkvæmt plani (13:00-15:00)
Föstudagsæfingu (17. des) verður flýtt til 11:30-13:00 vegna einkunnaafhendingar hjá MR-ingum.

Á föstudag mun ég svo láta ykkur vita varðandi planið í kringum jólin.

Æfing á morgun (þri. 15. des)

Æfingin hefur verið færð til kl. 13:00 í sal 3.
Æfingatími fyrir miðvikudag verður tilkynntur á æfingu á morgun.

Þeir sem ekki mættu í dag án þess að láta mig vita, hlaupa 20 línuhlaup á næstu æfingu.

Héðan í frá mun ég halda þessum viðmiðum:
Skróp á æfingu=20 línuhlaup
Fyrir hverjar 2 mínútur sem þið mætið seint=1 línuhlaup (aldrei fleiri en 20)

Ef þið biðjið um frí á æfingu þá verður að vera góð ástæða til þess. Afsakanir eins og matarboð, lærdómur eða ferðalög eru ekki tekin gild.
Leikmenn skulu tilkynna um fjarvist í það minnsta 3 klukkustundum fyrir settan æfingatíma. Að öðru leyti verður fjarvistin skráð sem skróp.

Eysteinn og Freddi eru fjarverandi vegna búsetu annarsstaðar í jólafríinu og verður það tekið gilt.

Stefán og Frikki mættu ekki í dag án útskýringa og því taka þeir 20 línuhlaup á æfingunni á morgun. Hjálmar hefur ekki útskýrt fjarvist sína.

Æfing fellur niður föstudaginn 11. desember vegna þess að nokkrir hafa boðað forföll á æfingunni og einhverjir eru í prófum. Næsta æfing verður því á mánudaginn (14. des) kl. 12:00 og ætlast ég til þess að allir mæti og það á réttum tíma. Ef einhver forfallast þá látið mig vita á sunnudaginn. Þeir sem ekki mæta án nokkurar útskýringar taka 20 línuhlaup á næstu æfingu á eftir. Þeir sem mæta seint taka 1 línuhlaup fyrir hverjar 2 mínútur sem þeir eru of seinir.

Þá var Lalli formaður að auglýsa eftir leikmönnum á ritaraborðið í kvöld á leikinn gegn Ármann/Þrótti hjá mfl. karla. Þeir sem geta endilega aðstoða við það nú eða bara mæta á leikinn og styðja strákana. Minni svo á stjörnuleikinn um helgina og eru allar upplýsingar um hann inni á www.kki.is en Byron Davis mun taka þátt í troðslukeppninni og verður hann að teljast ansi sigurstranglegur.

Æfing á laugardag

Eins og þið hafið kannski tekið eftir að þá hafði ég ekki sett niður ákveðinn æfingatíma á laugardaginn nk.

Æfingin verður kl. 14:00 í sal 3 og verður hún einungis klukkutíma. Æfingin verður þó forvitnileg þar sem að ég er að koma inn með mikið af nýjum hlutum. Check it!

Æfing og leikur (uppfært)

Æfingin á mánudag færist inn í sal 3 en er á sama tíma og áætlaður æfingatími. Ekki er skyldumæting í lyftingar en þeir sem vilja lyfta er frjálst að gera það.

Leikurinn á þriðjudag er kl. 21:00. Mæting kl. 20:00

Leikir framundan

Þið sem eigið eftir að senda mér próftöfluna ykkar megið endilega drífa í því svo ég geti farið að búa til æfingaplan í desember. Ekki senda mér link á einhverja próftöflu heldur verðið þið að skirfa niður dagsetningar og tíma á prófunum.

Þeir sem eiga ennþá eftir að senda mér próftöflu eru: Jón Ingi, Alfreð, Friðrik, Arnar, Ásgeir og Magnús.

Framundan eru svo bikarleikir í 11. og drengjaflokki sem og síðasti deildarleikur fyrir jól. Leikirnir eru sem hér segir:

Dr. flokkur bikar: Valur-Stjarnar 26. nóvember kl. 20;30
11. flokkur bikar: Valur-ÍA 27. nóvember kl. 21:00
Dr. flokkur ísl.mót: Valur-Fjölnir 1. desember kl. 20;30

Ritaraborð/dómgæsla á morgun

Svona er niðurröðun á ritaraborð og dómgæslu á morgun. Þið getið séð á blaðinu sem verður við ritaraborðið hvert ykkar hlutverk er. Verið mættir amk. 15 mínútum fyrir leiktíma. Þið sem eruð í síðasta leik aðstoðið við að ganga frá. Þið sem eruð í fyrsta leik mætið tímanlega (30 mín)til þess að hjálpa til við að setja upp fyrir mótið.

12:00 Valur-Hrunamenn
Bensi, Eysteinn og Addi

13:15
KFÍ-KR
Bensi, Eysteinn og Addi

14:30
KFÍ-Hrunamenn
Frikki, Jón Ingi og Hjálmar

15:45
Valur-KR
Frikki, Jón Ingi og Hjálmar

17:00
KR-Hrunamenn
Toggi, Maggi og Freddi

18:15
Valur-KFÍ
Stebbi, Jón Kristinn og Freddi

Próftafla

Akkurat núna þegar þú ert að lesa þetta þá vil ég biðja þig um að fara inn á emailið þitt, skrifa niður þá daga og tímasetningar sem þú ert í prófum. Þegar þú ert búinn að því þá sendiru það á Lydur06@ru.is

Ég ætla að plana æfingar í kringum prófin ykkar. Sendið þetta á mig um leið og þið lesið þetta.

Stjarnan-Valur (More Than a Game).

Leikur gegn Stjörnunni annað kvöld (17. nóv.) kl. 20:00 í Ásgarði. Mæting kl. 19:00.

Á miðvikudaginn er svo frí á æfiingu en í stað þess ætlum við að fara saman í bíó á myndina "More Than a Game" sem er heimildarmynd um Lebron James. Myndin byrjar kl. 20:00.
Ég er að vinna í því að fá tilboð á myndina og verður kostnaður í kringum 1.ooo krónur pr mann, innifalið er popp og kók.

Mót um helgina

Leikið í Strandgötu í Hafnarfirði á laugardag.

11:15 Valur-Haukar
15:00 Valur-Snæfell
17:30 Valur-ÍR

Mæting 10:15.

Æfing fellur niður hjá drengjaflokki á laugardag.

Þið sem eigið að dæma um helgina ekki gleyma því. Ef þið munið ekki tímana ykkar þá hafið samband við Björgvin í síma 866-3043

Hverjir lesa bloggið?

Ég er að athuga hverjir lesa bloggið reglulega. Vil ég biðja ykkur um að skrifa nafnið ykkar í komment við þessa grein um leið og þið lesið hana.

Um helgina verður æfing á laugardaginn í gamla salnum kl. 14:40.

Bikardráttur

Búið að draga í bikarnum

11.flokkur: Valur-ÍA
Drengjaflokkur: Valur-Stjarnan
Unglingaflokkur: Tindastóll-Valur

Ekki er komin dagssetning á þessa leiki.

Minni svo Arnar, Fredda og Eystein á ritaraborð í unglingaflokksleiknum á miðvikudag kl. 19:00

Leikur á mánudag

Glæsilegur karakter í dag drengir. Passið ykkur að drekka nóg af vökva í dag, kvöld og á morgun. Helst að reyna að drekka eitthvað kolvetnaríkt eins og powerade, gatorade eða epla/appelsínusafa. Ef ekki þá bara vatn.

Leikurinn verður gegn Grindavík, ekki hægt að færa hann til. Leikurinn er settur á kl. 21:10.
Förum frá Valsheimilinu kl. 19:00 stundvíslega. Ég kem ekki niður í Valsheimili, ég hitti ykkur í Grindavík.

Þið þurfið sjálfir að redda bílstjórum. Lalli ætlar að keyra og getur hann tekið 3-4 farþega þannig að við þurfum amk. tvo bíla í viðbót en við förum með 11 leikmenn. Þið talið ykkur saman á morgun. Fargjaldið er 500 krónur á hvern leikmann þannig að þið verðið að mæta með pening.

Leikur á föstudag

Leikur gegn KFÍ í 11. flokki á föstudag strax að loknum leik Vals og KFÍ í meistaraflokki.
Leikurinn ætti að byrja ca. 21:30/21:45.
Eins og þið vitið þá er þetta algjör úrslitaleikur um að halda okkur uppi í B-riðli og því er mikilvægt að við eigum góðar æfingar fram að leiknum. Æfingar verða samkvæmt æfingatöflu. Engin lyftingaæfing fyrir 11. flokkinn á föstudaginn.
Varðandi laugardaginn þá verður æfingatími eitthvað breyttur, læt ykkur vita nánar þegar líður á vikuna.

Á æfingu á miðvikudag/fimmtudag mun ég láta ykkur gera ákveðið frammistöðumat á ykkur og mér og mun ég notast við þetta öðru hverju í vetur.
Good times!

Minnum á rafræna Reykjavík

Nú á að vera búið að skrá alla iðkendur inn í rafræna Reykjavík. Opið verður fyrir ráðstöfun til 31. október en eftir það verða sendir út greiðsluseðlar. Ef barnið ykkar er ekki skráð þá vinsamlegast hafið samband við skrifstofuna.

Næstu dagar

Jæja drengir, flott æfing í kvöld og frábært að fá u.flokks strákana inn til þess að berja aðeins á ykkur. Vona að við náum að æfa svona amk. 2x í viku.

Langar svo að benda á nýjan link á síðunni til hliðar en þar getið þið séð leikjayfirlit allra flokka Vals í vetur. Þessi linkur var settur sérstaklega að beiðni Bensa;)

Varðandi framhaldið þá er það svona:
Fimmtudagur: Æfing kl. 20:00-21:40

Föstudagur: Lyftingaræfing kl. 16:00. Ég verð ekki á svæðinu og ykkur er í raun frjálst að mæta hvenær sem er á föstudeginum. Það er engu að síður skyldumæting!

Laugardagur: Æfing 16:10-17:40. Sjálfur verð ég á Egilsstöðum þannig að ég reyni að útvega þjálfara fyrir æfinguna.

Sunnudagur: Leikur gegn KR í DHL kl. 14:00. Mæting amk. klukkutíma fyrir leik. Ég verð ekki kominn heim frá Egilsstöðum en Yngvi ætlar að stjórna ykkur í þessum leik

Frábær sigur

Frábær sigur í kvöld. Við munum nýta okkur þennan leik til þess að byggja upp fyrir framtíðina.

"You can't have a better tomorrow if you're thinking about yesterday."

Nú er þessi leikur búinn og tími til þess að fókusa á næsta verkefni sem er KR á sunnudaginn kl. 14:00. Fram að þeim leik eru einungis þrjár æfingar og mikilvægt að allir mæti fókuseraðir og tilbúnir að leggja sig fram á æfingum. Það var mikið af jákvæðum hlutum í leiknum í kvöld en það voru líka fullt af hlutum sem við getum gert betur. Þessa hluti lögum við á æfingum.

Æfingin fyrir Blikaleikinn var mjög góð og við þurfum að halda áfram á sama skriði.

Mánudagsæfing

Æfingin á morgun (mán. 12 okt.) verður kl. 20:25. Þannig að það verður engin lyftingaræfing.

Æfing miðvikudag

Æfingin á morgun, miðvikudag, verður bara lyftingaræfing. Engin æfing inni í sal. Mæting 17:30.Ég reyni að mæta á svæðið og þá höldum við smá fund áður en þið farið að lyfta!

Ég hvet ykkur svo til þess að mæta á leikinn hjá meistaraflokki kl. 20:00 og jafnvel að einhverjir ykkar aðstoði við ritaraborðið.

Brottför

Jæja, þá er það fyrsti leikurinn á tímabilinu.

Mæting í Valsheimilið kl. 15:45 og brottför verður kl. 16:00 stundvíslega.
Fargjald er 1500 krónur en við förum á bíl frá Hertz og verður Lalli driver í þessari ferð.

Þegar þetta er ritað þá reikna ég síður með að komast með vegna veikinda, ligg heima með hitta og pest. Ég mun þó útvega manni í minn stað á bekkinn.

Videofundur

Videofundur verður á mánudaginn kl. 18:45 og svo æfing strax á eftir til kl. 21:40

Helgin

Á föstudag er lyftingaræfing kl. 16:00. Þið megið koma fyrr ef þið viljið.
Á laugardag er skotæfing fyrir þá sem eru ekki eru að spila með unglingaflokki. Ég verð ekki með ykkur á æfingunni en ég mun skilja eftir æfingaplan fyrir ykkur í afgreiðslunni.
Á mánudag er svo engin lyftingaræfing. Í stað þess munum við horfa á video af leiknum við Breiðablik og svo æfing strax á eftir. Ég mun tilkynna mætingu síðar.

Æfingaleikur

Æfingaleikur annað kvöld (þri. 29. sept) kl. 19:30 í Smáranum Kópavogi gegn breiðablik. Mæting kl. 19:00.

Æfingaleikur og æfingar um helgina

Æfingaleikur gegn ÍR á föstudagskvöld kl. 20:30. Það verður því engin æfing á laugardag inni í sal en þið eigið að lyfta (dagur 3) hvenær sem þið viljið á laugardeginum. Ég verð ekki á svæðinu. Þá ætti gamli salurinn að vera e-ð laus yfir daginn ef þið viljið skjóta.

Það er svo komin leikjaniðurröðun fyrir fyrsta mót hjá 11. flokki sem verðu spilað í Borgarnesi.

Lau. 10.okt.2009
12.15 FSu - Valur
14.45 KFÍ - Valur

Sun. 11.okt.2009
09.00 Þór/Hamar - Valur
11.30 Skallagrímur - Valur

Ritaraborð um helgina

Minni ykkur aftur á æfinguna á laugardaginn kl. 08:50 í sal 3....mæta stundvíslega!

Hér kemur svo niðurröðun á ritaraborð í Valsmótinu um helgina.

Föstud 18. sept.
19:00 ÍR - Haukar (Emil, Eysteinn, Frikki)
19:00 Valur – Hamar (Jón Nordal, Alexander, Siggi)
20:00 KFÍ – Skallagr. (Jón Nordal, Alexander, Siggi)
20:00 FSu – ÍA (Emil, Eysteinn, Frikki)

Laugard. 19. sept.
12:00 ÍR – KFÍ (Víðir, Guðjón, Agli)
13:00 Valur – Fsu (Víðir, Guðjón, Agli)
14:00 Haukar – Skallagr. (Venet, Logi, Freyr)
15:00 Hamar – ÍA (Venet, Logi, Freyr)
16:00 ÍR – Skallgrímur (Daníel, Kristófer, Maggi)
17:00 Valur – ÍA (Daníel, Kristófer, Maggi)
18:00 Haukar – KFÍ (Jón Ingi, Bennsi, Veigar)
19:00 Hamar – Fsu (Jón Ingi, Bennsi, Veigar)

Sunnud. 20. sept.
10:00 A1– B2 (Bergur)
11:00 A2 – B1 (Bergur, Jón Kr.,
12:00 A4 – B4 (Úlfur, Jón Kr.,)
13:00 A3 – B3 (Úlfur, Alfreð,)
14:00 Úrslit (Alfreð,)

Æfing á laugardag

Æfingin á laugardaginn 19. september verður færð til vegna Valsmótsins um helgina. Við verðum inni í sal 3 kl. 08:50-10:20 stundvíslega.

Þið eigið svo að vera starfsmenn á ritaraborði um helgina og raða ég ykkur niður á tvo leiki á mann, enginn er undanskyldur. Það er okkar skylda að gera þetta þar sem að leikmenn meistaraflokks sjá um alla dómgæslu hjá okkur í staðinn.

Æfing fimmtudag 10. sept

Æfing verður Kl. 19:00-20:30 í Sal 3,
Mfl. kvenna verður ekki með æfingu og því tökum við þeirra tíma.

Miðvikudagur 9. september

Æfing færð fram til Kl: 16:00-18:00. Upphitun í gamla sal og svo lyftingar.

Æfing þriðjudaginn 8. september

Sælir drengir.

Æfingin á morgun þriðjudag (8. sept) og á fimmtudag (10. sept) verður kl. 19:00-20:30. Ég vill svo benda á að nýjir æfingatímar eru komnir hér á síðuna til hliðar. Til að byrja með verða lyftingaæfingar með venjulegum æfingum og í minni umsjá. Þetta á eftir að breytast þegar leikjaprógrammið fer í gang og þá fækkar lyftingaæfingum sennilega niður í tvær í viku eða að við lyftum þá á öðrum dögum en nú er planað.

Æfing á laugardag og hverfahátíð

Á laugardaginn eigið þið að aðstoða mig á hverfahátíðinni sem verður haldin á körfuboltavellinum á Miklatúni kl. 14:00 stundvíslega. Þar verðum við með skotleiki og knattþrautir og munum við dreifa bæklingum til þess að kynna starfið hjá körfunni í vetur. Mætum merktir Val ef þið eigið jakka eða galla eða eitthvað slíkt.

Strax á eftir, eða kl. 15:30 verður svo æfing og verður hún með svipuðu sniði og síðasta laugardag þar sem við munum spila Detroit með 9-10 flokki.

Sælir drengir

Jæja drengir.

Þetta verður bloggið okkar í vetur. Hér mun ég koma skilaboðum til ykkar í vetur og þið getid komið skilaboðum til mín í gegnum comments til baka. Ég mun setja inn æfingatíma hér til hliðar á síðuna og einnig mun ég setja inn pósta ef æfingar falla niður, aukaæfingar, eða ef æfingatími breytist.

Bloggvefur 11. flokks í körfubolta

test